ZORRO,PERRO Y LA OVEJA

TIWULAMP ANUMP IWISQALLUMPI

Mä kutixa, mä tiwulax jan ch’axmasak iwij uyur mantatayna. Ukat tiwulax wali sum tukusakiw ukan wawachat iwisqallurux ñunupar chillkatasitayna. Maysatxa, mä anurakiw iwijanak jark’askanxa, ukat anux sallqa tiwular uñjasax akhamsasaw jiskht’atayna:

̶  Sallqa tiwula kuns akan luraskta? Ukat tiwulax anur satayna.

̶  Munat anu, masi, aka iwisqallurux  q’ayachasktxa ukhamarak anatxayaskaratawa. Anux ukham tiwular ist’asinx wal qhuruchasitayna; ukat tiwularux satayna.

̶  Jank’ak iwisqallurux antutarpayama, jan ukasti laka ch’akhanakajampiw achjama. Sasaw satayna.

Jan uñt’at jaqinpix, janiw parlañakit sawa.

Cara de beato uñas de gato.

EL GATO Y RATON

PHISIMP ACHAKUMPI

― Jutam jutam, kunja jiwitakitas! Sasaw phisitux achkur satayna.

― Jan sarkamti! Uka supay salqa phisix kunjams k’arisiñx yatiw jumarux manq’antañ muntama; janit amuyasta, sasaw mamapax achakqallurux satayna.

― Jutam jisk’a achaku! ―  uñtam, aka kisu, nuysa “nuez”, munat achakitu, jumatakiwa! Sasaw phisix achakqallur saskakitayna.

― Mamit sarati? Ukham sasaw achakqallux mamapar jiskht’askakina.

― Jan sarkamti, wawita amuyasim, ist’asiñamawa! Ukham mayamp mamapax satayna.ukat phisix, aka muxsa manq’ churama achakqallurux saskakitaynawa. Ukham achakqallux muxsa manq’ uñjasinxa, mamaparux wasitat satayna.

― Mamita, iyaw sakimay. Sarakipuniwa! Ukat mamapax achakqallurux satayna.

― Ipi amuyasimaya, janiw sarkasmati jismasa! Ukatxa, achakqallux mayak mamapat atipawayatayna; ukatsti, mayak wali mulljatwararitayna akham sasa: mamita phisix manq’antakituwa, yanapt’itaya! Mamapax jan ist’asir achakqalluparux janiw kunjams qhispiyañ atkataynati.

Walxa pach jakañ munstaxa, awk taykan iwxanakapx ist’añapuniw sawa

Obedece a tus padres y vivirás largo tiempo.